Публикации » Ачасем – сывă пурнăç йĕркишĕн

Çĕнĕ Мăратри пĕтĕмĕшле пĕлÿ паракан вăтам шкулта палăртнă кун ăмăр çанталăк тăнине пăхмасăрах «Нацисен кросĕ —2011» чупу иртрĕ. Ăмăртăва физкультура учителĕ Н.И. Андреев икĕ тапхăрпа йĕркелерĕ. Малтан 5—8-мĕш классенче вĕренекен хĕр ачасемпе арçын ачасем ăмăртăва тухрĕç. Ку ушкăнра Стас Курицын (5 класс), Диана Коноплева (7 класс) чи маттуррисем пулчĕç. 2—3-мĕш вырăнсене С.Филиппов (8 класс), Эрбина Портнова (6 класс), Яков Макаров (5 класс), Кристина Павлова (8 класс) пайларĕç. Аслă ушкăнра чупакансем хушшинче малти вырăна Дима Шишкалов (11 класс), Анна Тумакова (11 класс) йышăнчĕç. Петр Игнатьев (11 класс), Фаина Борисова (11 класс), Андрей Логинов (10 класс), Екатерина Данилова (10 класс) 2—3-мĕш вырăнсене тухрĕç. Пултаруллă ачасене Тукай ял поселенийĕн пуçлăхĕ О.П.Андреева Хисеп грамотисем парса чысларĕ. Çавăн пекех вĕсем чупу майкине те тивĕçрĕç.

Шкулти пур ача та спорт уявĕнче савăнчĕ. Чи кирли — пурте пĕрле чупăва хутшăнни, сывă пурнăç йĕркишĕн кар тăни.