Публикации » Куракансене килĕшекен юрăç

23 июня 2010 г.

Нумаях пулмасть Элĕкре «Вирьял шевлисем» фестиваль иртнĕ. Унта чăваш халăх юрри-кĕввине кăмăллакан, ăста та пултаруллă юрăçсем хутшăннă. «Кĕмĕл сасă» фестивальте «Чăваш пики — 2010» конкурсра вăй виçнисем те пулнă. Пирĕн районти Анат Тимĕрчкасси хĕрĕ Оксана Ласточкина та хутшăннă унта. Хутшăннă çеç мар, ăна жюри «Куракансем килĕштернĕ юрăç» номинацире çĕнтернине пĕлтернĕ. Пуçласа пысăк пĕлтерĕшлĕ çакăн пек конкурсра çĕнтерни — пысăк çитĕнÿ. Апла пулсан унăн уçă та илемлĕ сассине куракансем ытти сценăсем çинче те илтĕç-ха.

Источник: "Каçал Ен"