30 июня 2007 г.
Районти ял хуçалăх предприятийĕсенчи уй-хирсенче ĕç шавĕ тăрать. Хуçалăхсем утă хатĕрлеççĕ, сенаж хываççĕ, çĕрулми, тымарçимĕç, пахчаçимĕç уйĕсенче тăрăшаççĕ. Акă, "Восток" ял хуçалăх кооперативĕ кĕске вăхăтрах 1600 тонна пахалăхлă сенаж хатĕрлеме пултарнă. Валерий Михеев механизатор КПС-5 агрегатпа нумай çул ỹсекен курăксене çулса пычĕ. Юрий Белков Е-281 комбайнпа курăка пуçтарса вĕтетсе тăчĕ. Русланпа Леонид Зайцевсем, Николай Григорьев, ГригорийГурьянов механизаторсем, Михаил Зайцев, Николай Петров водительсем тата ыттисем те ешĕл массăна траншейăсене турттарчĕç. Геннадий Чернов Т-150, Сергей Хлебников ДТ-75 тракторсемпе сенажа таптаса пусăрăнтарса тăчĕç. Хальхи вăхăтра хуçалăхра утă пуçтарас ĕçсем пыраççĕ. Валерий Михеев КПС-5 агрегатпа çулчĕ. Сергей Лямин Е-303 комбайнпа пуçтарса пырать. Александр Зайцев курăка тавăрса тăрать. Утта йăлтах тюклаççĕ. Рулонлă тюксем тунă çĕрте Алексей Федоровпа Николай Коновалов ĕçлеççĕ. Хатĕр рулонсене тиенĕ çĕрте Владимир Сугоров механизатор тăрăшать. Утта йăлтах ферма территорине купаласа хураççĕ. Роберт Белковпа Олег Коновалов водительсем турттараççĕ. Хуçалăхран уй-хир культурисене çумкурăкран имçам сапнă. Ку ĕçе Алексей Смирнов пурнăçланă. Геннадий Петров шыв илсе килсе тăнă. Çĕрулми йăранĕсене те хăпартса кăпкалатнă. Унта Алексей Федоров ĕçленĕ. Хуçалăхра ĕçсем пĕрин хыçăн тепри черетленсе пыраççĕ. Кооперативри ĕçченсем вĕсене пахалăхлă та вăхăтра пурнăçлама тăрăшаççĕ.
Источник: "Каçал Ен"