09 августа 2014 г.
- çак ыйту çине хурав тупас тесе Хырхĕрри ял тăрăхĕнче "Чи лайăх палисадник" конкурс ирттернĕ. Ял тăрăхĕн администрацийĕ ăна таврара пурăнакансене тавралăха илемлетес, тирпейлĕрех тăвас ĕçе явăçтарас тĕллевпе йĕркеленĕ. Халь нумайăшĕ хăйсен пахчисене, сачĕсене чечексем, тĕмсем лартса хăтлăх кĕртнĕрен ятарлă комиссие ялсенчи палисадниксене çитсе курса чи лайăххине палăртма çăмăлах пулман. Хурнай ялĕнчи Николай Степанович Андреевăн, Сергей Валерьевич Горбуновăн, Вăрманхĕрри Чурачăкри Люция Геннадьевна Хлебникован, Александра Алексеевна Ятманован, Вячеслав Иванович Розовăн (Кĕтне Пасар) палисадникĕсем ял тăрăхĕн территорийĕнче чи хитрисем тесе палăртнă. Организацисемпе учрежденисем хушшинче вара Хырхĕрринчи информаципе культура центрĕн участокĕ çĕнтерỹçĕ пулнă.
Источник: "Каçал Ен"