Публикации » Яла килсех сывлăха тĕрĕслерĕç

27 июля 2013 г.

Халĕ районта диспансеризаци пынине пурте пĕлеççĕ ĕнтĕ. Ку вăл — тĕрлĕ чир-чĕре вăйлă аталанса кайиччен тупса палăртмалли питĕ лайăх мел. Хăшĕ-пĕрисен больницăна кайма е вăхăт çук, е вăй-халĕ çитмест. Шăпах çакăн пеккисен сывлăхне тĕрĕслеме июлĕн 24-мĕшĕнче Эткер ялне пĕтĕмĕшле практика врачĕ Роза Степановна Муравьева килсе çитрĕ. Ялти клубăн культорганизаторĕ граждансене маларахах çакăн çинчен пĕлтерсе тухрĕ. Çавăнпах ĕнтĕ çав кун тухтăр патне васкакансем йышлăн пулчĕç. Роза Степановна кашнине ăшшăн кĕтсе илчĕ, сывлăха тĕрĕсленĕ хыççăн эмелсем илме рецептсем çыра-çыра пачĕ. Ял халăхĕ питĕ кăмăллă юлчĕ.

С.СМИРНОВА.

Источник: "Каçал Ен"