Публикации » «Пурнăçпа тан утни ÿсĕмлĕ ĕçлеме пулăшать»

Хуçалăхсенче кашни çулах Ял хуçалăх ĕçченĕсен кунне анлăн паллă тăвасси йăлана кĕнĕ ĕнтĕ. Иртнĕ шăмат кун «Восток» ЯХПК ĕçченĕсем çак уявра савăнчĕç.

Ăна ирттерме район администрацийĕн пуçлăхĕн çумĕ, ял хуçалăх пайĕн начальникĕ Г.М.Киргизов, «Кызыл Сабанча» хресченпе фермер хуçалăхĕн, «Пайгас» ял хуçалăх кооперативĕн ертÿçисем М.Г.Шарафутдиновпа В.И.Фадеев тата ыттисем те килсе çитрĕç.

Савăнăçлă уява В.Г.Михеев председатель хăйĕн доклачĕпе пуçларĕ.

«Восток» ял хуçалăх кооперативĕ палăртнă тĕллевсене пурнăçланă. Кăçал кунта 870 гектар çĕр лаптăкĕ çинчен 2579 тонна тĕш тырă тата пăрçа йышши культурăсем пухса кĕртнĕ. Хуçалăхра хĕрÿ тапхăрсенче тар юхтарнă, ырми-канми тăрăшнă ĕçченсене ертÿçĕ тав турĕ. А.А.Белков ДОН-1500Б маркăллă комбайнпа 1003 тонна, Г.И.Чернов — 1028 тонна, Е.В.Порфирьев 548 тонна тырă çапнă. Пултаруллă водительсем те çак тапхăрта ырми-канми тăрăшнă. Вĕсем: Р.Л.Белков, Н.А. Петров, А.В.Смирнов, В.Н.Ятманов тата М.В.Зайцев. Яланах хăйсене шанса панă техникăна таса та юсавлă тытакан механизаторсене те аса илчĕ Валерий Геннадьевич. А.А.Белков, Г.И.Чернов, Л.А.Зайцева, С.В.Хлебников, Н.Н.Хлебников, Р.Л.Белков тата Р.А.Зайцев трактористсем чăннипех те мухтава тивĕç. Хастар дояркăсен — М.Я. Малышева, М.И.Казикова, Н.В.Михеева, Р.М.Гладкина, З.П.Львова, В.А.Паширов тата Л.А.Морозова сĕт сăвакансен ячĕсене председатель асăнсан пухăннисем тăвăллăн алă çупрĕç. В.Михеев тата ытти çĕрте, фермăсенче ĕçлекенсене каларĕ, пурне те вĕсене чĕререн тав турĕ. Вăл хĕрÿ ĕç тапхăрĕсенче пултарулăх кăтартнă ĕçченсене хаклă парнесем парса чысларĕ. Выльăх-чĕрлĕх ĕрчетнĕ çĕрте те маттур хырхĕррисемпе вăрманхĕрричурачăксем. Сысна шучĕ иртнĕ çул 762пе танлашнă пулсан, кăçал — 895. Çапла вара вĕсем 117 пуç ытларах ĕрчетеççĕ. Фермăсенче 44 пуç лаша тытаççĕ. Ку вăл пĕлтĕрхи кăтартуран 11 пуç ытларах.

Уяв ячĕпе саламласа Г.М. Киргизов сăмах тухса каларĕ. «Çанталăк пире кăçал çумăрпа савăнтараймарĕ. Çавăнпа та çĕр улмине — ял хуçалăхне чи пысăк тупăш паракан пахча-çимĕçе — ĕмĕтленнĕ чухлех туса илеймерĕмĕр. Эсир «иккĕмĕш çăкăра» 960 тонна пухса кĕртнĕ. Тайма пуç сире, ял хуçалăх ĕçченĕсем! Эсир пире яланах пысăк тухăçпа савăнтаратăр. Тĕслĕхрен, кăçал «Восток» ял хуçалăх кооперативĕ сĕт сăвассипе районта пĕрремĕш вырăна тухрĕ. Ку вăл тăрăшмасăр, вăй хумасăр пулмасть. Хуçалăхра кирек мĕнле ĕç те кал-кал пырать»,— терĕ вăл. Кунти ĕçченсем районта кăна мар, республика шайĕнче ирттерекен конкурссемпе ăмăртусене хутшăнса малти вырăнсене йышăнаççĕ.

Унччен çак хуçăлăхра нумай çул агрономра ĕçленĕ Геннадий Васильевич Катиков та сăмах тухса каларĕ. Хырхĕрри ял поселенийĕн пуçлăхĕ А.Н.Воробьев Ял хуçалăх ĕçченĕсен кунĕ ячĕпе саламларĕ.

Уява Комсомольскинчи культурăпа кану центрĕн «Кубняночка» художество пултарулăх ушкăнĕ килсе çитрĕ. Альбинăпа Виктор Кокшинсем, Марина Шумилкина тата Елена Гордеева нумайччен хăйсен юррисемпе пухăннисене савăк кăмăл парнелерĕç.