21 июля 2007 г.
Хирти Сĕнтĕр ял поселенийĕнче ирттернĕ "Чи лайăх хушма хуçалăх" конкурса пĕтĕмлетнĕ. Комисси вырăна тухса çурт-йĕр, кил-карти, анкарти, пахча мĕнле шайра пулнине пăхнă. Çавăн пекех хуçалăх выльăх-чĕрлĕх, кайăк-кĕшĕк тытнипе, пахчаçимĕç ỹстернипе интересленнĕ. Ял поселенийĕн Г.Е. Ефремовăн, М.Ф.Иванова, В.А. Кольцов специалистсен, Хирти Сĕнтĕр ял фельдшерпа акушер пункчĕн медработникăн Н.Н.Лисицинан, Нĕркеç культура çурчĕн директорĕн Н.В.Герасимован конкурса хутшăнакан 4 хуçалăхран çĕнтерỹçĕне палăртма çăмăлах пулман. "Чи лайăх хушма хуçалăх" ята Хирти Сĕнтĕр ялĕнчи А.В.Павлова çĕнсе илнĕ. Мала тухнине Хисеп грамотипе тата хаклă парнепе чысланă.
Источник: "Каçал Ен"