12 декабря 2015 г.
Декабрĕн 16-мĕшĕнче республикăра Пĕрлехи информаци кунĕ пулать. Унăн теми - Раççей Президенчĕ Владимир Путин Федераци Пухăвне янă Çырăва сỹтсе явасси. Унсăр пуçне информаци кунĕнче алкоголь тата спирт хутăшĕллĕ продукцие сарма чарас, Чăваш Республикинче Çĕнĕ çулта тата Раштав уявĕсенче, 2015-2016 çулхи хĕллехи тапхăрта хăрушсăрлăх мерисене пăхăнас ыйтусене те пăхса тухĕç.
Информаци ушкăнĕсем районти кашни ял поселенине çитсе халăхпа тĕл пулусем ирттерĕç, предприятисемпе организацисен ĕç коллективĕсемпе çивĕч ыйтусене пăхса тухĕç. Çавăн пекех граждансене хăйсен ыйтăвĕсемпе те йышăнĕç.
Источник: "Каçал Ен"