06 июня 2015 г.
Июнĕн 2-мĕшĕнче чи хастар та пултаруллă çамрăксем "Çамрăксен хули" форума çиччĕмĕш хутчен пуçтарăнчĕç. Ултă çулта унта 10 çĕршыври, Раççейри 15 регионти 7000 яхăн çамрăк, 2000 ытла хăнапа эксперт пулса курнă. Форум кăçал 5 енлĕн ĕçлет: "Патшалăх тата муниципалитет управленийĕ", "Экономика тата предпринимательлĕх", "PR тата медиа", "Волонтерлăх тата ыркăмăлăх", "Лидер". Пилĕк кунра яш-кĕрĕмпе 100 ытла усламçă, политикăпа общество деятелĕсем, пултарулăх, психологи, ял хуçалăх, маркетинг тытăмĕнчи специалистсем тĕл пулĕç.
Чăваш Республикин Пуçлăхĕ Михаил Игнатьев Атăл леш енне çитнĕ май, Атăл хĕрринче ирттернĕ кунсем çамрăксен асĕнче яланлăхах çырăнса юлнине, форум вĕсене пурнăçра хăйсен çулне тупма пулăшнине, бизнесменсемпе, ытти специалистпа курнăçни малашне кирлĕ пулнине палăртнă. Михаил Васильевич уçă диалога хутшăннă, çамрăксем тĕрлĕ ыйтупа кăсăкланнă, вĕсене пĕрле сỹтсе явнă.
Районти хастар та тăрăшуллă вĕренекенсем те "Çамрăксен хули" форума хутшăннă Вĕсем: ушкăн ертỹçи, "Пĕрлĕхлĕ Раççей" партин районти уйрăмĕн "Молодая гвардия" ушкăнĕн ертỹçи Ирина Николаева психолог педагог тата ушкăн членĕсем Наталья Николаева, Александра Васильева (Комсомольски 1-мĕш вăтам шкулĕ), Анастасия Тишова, Анастасия Николаевв, Надежда Белкина, Екатерина Макарова (Нĕркеç вăтам шкулĕ).
Источник: "Каçал Ен"