29 января 2014 г.
Спортпа тата физкультурăпа туслă Нĕркеçсем канмалли кунсенче тĕрлĕ турнирсем ирттереççĕ. Акă, иртнĕ кунсенче вĕсем вăтам шкул катокĕ çинче хоккейла выляса ăмăртрĕç. Ăна турнира йĕркелекенсем спорт ветеранне Владимир Воронова халалларĕç.
Сивĕ çанталăка пăхмасăр ăмăртăва хутшăннă 3 команда спортсменĕсене Хирти Сĕнтĕр ял тăрăхĕн пуçлăхĕ Геннадий Ефремов тата ыттисем те саламларĕç.
Хĕрÿ тупăшура Елчĕк районĕн («Спутник» команда) спортсменĕсем чи ăстисем пулчĕç, пĕрремĕш вырăна çĕнсе илчĕç. Иккĕмĕшсем — Нĕркеçсем. Виççĕмĕш вырăна Çĕнĕ Кипеç ял команди тивĕçрĕ.
Источник: "Каçал Ен"