26 декабря 2012 г.
Декабрĕн 23-мĕшĕнче Елчĕк районĕнче спорт ветеранĕсем хушшинче гварди старшинин Сергей Фоминăн призĕсемшĕн волейболпа çĕнĕ çулхи турнир иртнĕ. Унта Елчĕк, Комсомольски, Патăрьел районĕсен командисем хутшăннă. Çивĕч тупăшура пĕрремĕш вырăна «Яльчики» команда тухнă. Пирĕн районти «Нюргечи» команда иккĕмĕш вырăна тивĕçнĕ. Командăра Валерий Дмитриев, Валерий Волков, Павел Иванов, Юрий Боровков, Михаил Кузнецов, Валерий Лисицын, Виталий Егоров вылянă. Чи аслă тата чи ăста вылякан ятне 64 çулхи Павел Иванов, турнирти чи лайăх тапăнса вылякан ятне вара «Нюргечи» командăри Валерий Дмитриев тивĕçнĕ. Çĕнтерÿçĕсемпе призерсене Хисеп грамотисемпе тата хаклă парнесемпе чысланă. «Нюргечи» командăна саламлатпăр, малашне те ăнăçу сунатпăр.
Источник: "Каçал Ен"