Публикации » ПРОФИЛАКТИКА КУНĔ ИРТНĔ

Июлĕн 21-мĕшĕнче Хирти Сĕнтĕр ял поселенийĕнче профилактика Совечĕн ларăвĕ иртрĕ. Унта малтан районти шалти ĕçсен пайĕн сотрудникĕ А.Марин тухса калаçрĕ, оперативлă лару-тăрупа паллаштарчĕ. Пухăннисен умне Нĕркеç вăтам шкул директорĕ Н.Петрова тухса калаçрĕ. Çак ларура Хирти Сĕнтĕр ял поселенийĕн пуçлăхĕ Г.Ефремов, район прокурорĕн çумĕ Е. Илларионов, Хирти Сĕнтĕр культура çурчĕн ертÿçи В.Комарова, районти профилактика комиссийĕн секретарĕ З.Мельникова, район администрацийĕ çумĕнчи çул çитмен ачасемпе ĕçлекен тата вĕсен прависене хÿтĕлекен комисси секретарĕ Л.Пушкина тата ыттисем те тухса калаçрĕç.

Каярахпа вара комисси членĕсем ял поселенийĕнче шутра тăракан ăнăçсăр 5 çемьене çитсе курчĕç, пурăнмалли условисемпе паллашрĕç. Çитсе курнă çемьесенче ашшĕ-амăшĕсем ĕçкĕпе иртĕхнине пула тĕпренчĕкĕсене тĕрĕс воспитани паманнине палăртнă.