Публикации » ЕНТЕШЕ АСРА ТЫТСА

Нĕркеç ялĕнче, Совет Союзĕн Геройне Г.Н.Чернова асра тытса унăн ячĕпе çулсеренех волейбол турнирĕ ирттереççĕ. Кăçал ăна мартăн 7-мĕшĕнче йĕркелерĕç. Вăйă площадкинче 6 команда вăй виçрĕ. Вăрнар, Елчĕк, Комсомольски районĕсен командисем ăмăртăва хутшăнчĕç. Тупăшу чăнах та çивĕч пулчĕ. Пĕлтĕрхи çĕнтерÿçĕсем, нĕркеçсем, ăста вылярĕç, анчах та елчĕксене 2:1 шутпа выляса ячĕç. Вĕсем пĕрремĕш вырăна тивĕçрĕç. Иккĕмĕш вырăнта — нĕркеçсем, вăрнарсем виççĕмĕш пулчĕç.

Çĕнтерÿçĕсене район пуçлăхĕ Г.Волков, Хирти Сĕнтĕр ял поселенийĕн пуçлăхĕ Г.Ефремов саламларĕç. Малашне те ăнăçу сунчĕç.