16 июля 2021 г.
Районти аграрисенче вырма ĕçĕсем вăй илсе пыраççĕ.
Июлĕн 15-мĕшĕ тĕлне «Дружба» ЯХПК 50 гектар кĕрхи тулă çулнă, 25 гектар çинчи тухăçа пухса кĕртнĕ. Вăтам тухăç кашни гектартан — 16—17 центнер. «Слава картофелю» агрофирма» ОООра 250 гектар çинчен çапса илсе 625 тонна кĕрхи тулă пÿлмене хунă /вăтам тухăç — 25 центнер/. «Рассвет» ЯХПК 30 гектар çинче çитĕннĕ 47,5 тонна пăрçана пухса кĕртнĕ. Вăтам тухăç — 15,8 центнер. Р.М Шарафутдинов фермер хуçалăхĕнче 10 гектар лаптăкран кĕрхи тулă 23 тонна /вăтам тухăç 23 центнер/ тата 10 гектар çинчен 11 тонна пăрçа /вăтам тухăç 11 центнер/ пÿлмене хунă. Н.Г. Самарин фермер хуçалăхĕнче 30 гектар лаптăкран 48 тонна кĕрхи тулă çапса илнĕ /вăтам тухăç 16 центнер/.
«Искра» колхозра комбайнсем уйсене кĕрхи тулă вырма тухнă.
Районта выльăх апачĕ хатĕрлесси малалла пырать. Июлĕн 15-мĕшĕ тĕлне хуçалăхсенче 5292 тонна утă, 10521 тонна сенаж, 1441 тонна силос янтăланă.
Р.БАСНИКОВ
Источник: "Каçал Ен"