31 октября 2017 г.
"Çĕр тата тата çынсем" халăх музейĕн курав залĕнче Кĕçĕн Çĕрпỹел вăтам шкулĕн вĕрентекенĕн Екатерина Васильевна Антонован тата унăн вĕренекенĕсен ĕçĕсен "Творческая бессонница" куравĕ уçăлчĕ.
Екатерина Антонован уйрăм выставки музейре пĕрремĕш хут мар. 2011 çулхи пуш уйăхĕнче, Катя районти искусство шкулĕнче вĕреннĕ чухне, "Прекрасное в обыденном" ятпа иртнĕччĕ. Халĕ Екатерина Васильевна вăтам шкулта ачасене рисованипе технологи предмечĕсене вĕрентет. Хальхи вăхăтра чылай çамрăк аслă пĕлỹ илнĕ хыççăн хулара тĕпленсе пурăнма кăмăллать. Катьăн чунĕ вара тăван тăрăхах туртнă, ĕç вырăнĕ тупса хăй вĕреннĕ шкултах тăрăшать.
Екатерина Антоновăна курав уçăлнă ятпа Комсомольски район администрацийĕн пуçлăхĕ Александр Осипов, вĕренỹ пайĕн ертỹçи Надежда Петрова, искусство шкулĕн директорĕ Ферит Гибатдинов, Кĕçĕн Çĕрпỹел вăтам шкулĕн директорĕ Светлана Антонова, тĕп библиотека директорĕ Инна Ядрова саламларĕç.
Куравпа паллашма пурне те район музейне çитсе курма чĕнетпĕр.
А.ПОЛЯКОВА,
"Çĕр тата çынсем" халăх музейĕн директорĕ
Источник: "Каçал Ен"