28 ноября 2015 г.
Çамрăк фермерсене пулăшмалли патшалăх программисем тĕллевлĕ ĕçленипе фермер ĕçĕ бизнес аталанăвĕн пĕр пайĕ пулса тăчĕ.
Фермер хуçалăхĕсене тата çемье фермисене аталантармалли программа республикăра 4-мĕш çул ĕнтĕ активлă пурнăçланать. Патшалăх пулăшнине кура фермер хуçалăхĕпе ĕçлес кăмăллисен шучĕ ỹсни вара уйрăмах савăнтарать. Вĕсенчен нумайăшĕ ятарлă укçапа выльăх-чĕрлĕх, тĕрлĕ техника, ĕне сумалли оборудовани туянать.
Асăннă программăпа пирĕн районти фермерсем те хаваспах усă кураççĕ. Урмаел ялĕнчи Пахаловсен, Аслă Çĕрпỹелĕнчи Любимовсемпе Рябчиковсен çемйисен ĕç-хĕлĕпе çак кунсенче район администрацийĕн пуçлăхĕ Алексей Самаркин паллашнă. Вĕсем çак ĕçе нумаях пулмасть кăна пуçăннă пулсан та выльăх-чĕрлĕх туянаççĕ, вĕсене тытмалли фермăсене реконструкцилеме пуçланă. Асăннă хуçалăхсенче тĕрлĕ культурăсем лартса ỹстерме çителĕклĕ ял хуçалăх техники те пуррине палăртса хăвармалла.
Район сайтĕнчен
Источник: "Каçал Ен"