01 октября 2014 г.
Раççей Федерацийĕн Президенчĕн В.Путинăн указĕпе килĕшỹллĕн кăçал муниципаллă культура учрежденийĕсем хушшинче конкурс ирттерме йышăннă. Конкурса республикăри 20 районти 75 культура учрежденийĕ хутшăнма кăмăл тунă. "Библиотекăсем хушшинчи чи лайăх муниципаллă культура учрежденийĕ" номинацире Аслă Çĕрпỹел ял тăрăхĕн библиотеки çĕнтернĕ.
Галина Николаевна Родионова библиотекарĕн тỹпи кунта уйрăмах пысăк. Вăл библиотекăра 3 çул тăрăшать, яланах вулакансене кирлĕ литературăпа тивĕçтерет, тăтăшах тĕрлĕ мероприяти йĕркелет. Конкурсра çĕнтернĕ учреждение 100 пин тенкĕ грантпа тивĕçтернĕ. Çак укçа-тенкĕпе библиотека валли шкафсем, стендсем, компьютер техники туяннă, юсав ĕçĕсем пуçланă.
Источник: "Каçал Ен"