13 ноября 2013 г.
Кăçал кĕркунне илемĕпе савăнтармарĕ, ытларах çумăрлă пулчĕ. Апла пулин те икĕ-виçĕ кун хĕвеллĕ тăчĕ. Çакă ял çыннисемшĕн çав тери паха пулчĕ.
Кăçал Тавралăха хÿтĕлемелли çулталăк пулнăран Хирти Шăхасан ялĕнчи магазин заведующийĕ А.Герасимова магазин тавра тирпей-илем кÿрес тесе субботник йĕркелерĕ. Райпо канашĕн председателĕ Е.Карпеев трактор уйăрса пачĕ, пулăшма ĕçченсем те ячĕ. Е.Шалина çак ĕçе пĕтĕмпех йĕркелесе пычĕ. Вырăнти лавккан юрăхсăра тухнă склачĕ пурччĕ. Шăпах çав склада пăснă кирпĕч ванчăкĕсене, халăх ыйтнипе, Садовая урама сарчĕç. Çак ĕçе урамра пурăнакансем те, ватăсем те хастар хутшăнчĕç: çула тирпейлерĕç, çуран çÿреме меллĕрех пултăр терĕç. Ĕçе пурнăçлама пулăшнăшăн райпо ĕçченĕсене Е.Карпеева, Л.Сорокинана, Э.Артемьевăна, Е.Шалинана, А.Герасимовăна чĕререн тав тăватпăр.
Садовая урамри çула пĕлтĕр «Стройсервис» АХО туса панăччĕ. Вĕсем çулталăк хушшинче юсав ĕçĕсене хамăрах пурнăçласа тăратпăр тесе шантарнăччĕ. Анчах та вăхăт тупаймарĕç пулас, килсе курăнмарĕç. Кĕпер айкки ишĕлесшĕн, юсакан çук. Организаци ĕçченĕсем хĕле кĕриччен çула тирпейлеме килессе кĕтетпĕр.
К.АКЧУРИНА.
Источник: "Каçал Ен"