07 сентября 2013 г.
Чăваш Республикин Пуçлăхĕн комплекслă стройка пирки калакан Указĕпе килĕшÿллĕн Аслă Çĕрпÿел ял поселенийĕ кăçал конкурсра выляса илнĕ. Çак конкурса хутшăнса вĕсем Кĕçĕн Çĕрпÿелĕнчи культура çуртне тата вăтам шкула тĕпрен юсамалли проект хатĕрленĕ.
Ялти культура çуртне юсама республика бюджетĕнчен 958200 тенкĕ, вырăнти бюджетран 667300 тенкĕ уйăрнă. Асăннă укçа-тенкĕпе усă курса культура çурчĕн çи виттине юсама пуçланă та ĕнтĕ. Строительство ĕçĕсене «НИКОС-СТРОЙ» ООО пурнăçлать. Подрядчиксем ĕçсене пахалăхлă, вăхăтра тăваççĕ.
Ял поселенийĕн администрацийĕ çакнашкал конкурссене малашне те хутшăнса культура вучахĕн ăш-чиккине те тивĕçлĕ сăн-сăпат кĕртес кăмăллă.
Район администрацийĕн пресс-служби.
Источник: "Каçал Ен"