23 апреля 2008 г.
Чăваш Ен спортсменĕ, пирĕн ентеш, Виçпÿрт хĕрĕ Алевтина Биктимирова Бостонра иртнĕ марафонта иккĕмĕш вырăн йышăннă. Апрелĕн 21-мĕшĕнче финишра вăл Эфиопи спортсменне 2 çеккунт çеç выляса янă. Ăмăртура Алевтина палăрасса никам та шутламан. Марафонта чи малта виççĕн чупнă, вĕсен йышĕнче Алевтина та пулнă. Дире Тюнпа вĕсем иккĕшĕ те пĕрлех пынă, анчах та финишра Эфиопи спортсменĕ мала тухма пултарнă. Алевтина Биктимирова марафона 2:25:27 вăхăтпа вĕçленĕ. Елена Прокопчук тăваттăмĕш, Лидия Григорьева, пĕлтĕрхи çĕнтерÿçĕ, финиша тăххăрмĕш çитнĕ. Ентешĕмĕре çĕнтерÿпе саламлатпăр, малашне те ăнăçусем сунатпăр.
Источник: "Каçал Ен"