Публикации » ВЕТЕРАНСЕН ЧЫСĔ ÇỹЛТЕ

01 марта 2008 г.

Районти ĕçпе вăрçă ветеранĕсен, инвалидсен тата куç курманнисен районти совечĕсем, Комсомольски ял поселенийĕ ватлăхрисен тата инвалидсен пурнăçне интереслĕрех тăвасшăн ырми-канми ĕçлеççĕ. Уйрăмах тĕрлĕ уявсене халалланă спорт ăмăртăвĕсем ытларах пулаççĕ. Акă, февралĕн 20-мĕшĕнче те районти спортпа кану центрне шашка вăййине юратакан ĕçпе вăрçă ветеранĕсем, инвалидсем чылаях пуçтарăнчĕç. Кунта Çĕршыв хỹтĕлевçисен кунне халалласа вĕсем хушшинче шашка турнирĕ иртрĕ. Ăмăртусене куç курманнисен тата инвалидсен районти совечĕсен председателĕсем Валентина Константинова, Ирина Албутова тата ĕçпе вăрçă ветеранĕсен районти совечĕн президиумĕн спорта аталантарас енĕпе ĕçлекен членĕ Василий Пундяков йĕркеленĕ. Хĕрỹ пулчĕ турнир спортпа кану центрĕнче. Шашка хăмисем çинчи çивĕч кĕрешỹре пĕрремĕш вырăна турнир хуçи В.Пундяков çĕнсе илчĕ. Иккĕ-мĕшпе виççĕмĕш вырăнсене С.Зайцевпа (Кивĕ Сĕнтĕр) Н.Кокшин (Комсомольски) тивĕçрĕç.

Источник: "Каçал Ен"