Публикации » Çĕнĕ тротуар та тăваççĕ

20 июня 2007 г.

Темиçе çул ĕнтĕ Комсомольски ялĕнче тротуарсем пирки калаçаççĕ. Автомашинăсем нумайланчĕç. Çуран çынна асфальтлă çулпа утма çук тата юрамасть те. Центртан больница енне çуран каясси чăн-чăн нуша. Халĕ "Уют" кафе умĕнчен пуçласа аялалла брусчаткăран тротуар сарма пуçларĕç. А.Столяров, А.Читнаев рабочисем иртен пуçласа каçчен кунта ĕçлеççĕ. Райпо администрацийĕн çурчĕ умне тротуар сарса çитернĕ. Малашне те çавăн пек ĕçлесен, тен, çуран утмалли çул ял вĕçнех çитĕ. "Чăваш Республикин кунĕ тĕлне тепĕр 200 метр сарасшăн-ха, пирĕншĕн те уяв пултăр",- тет А.Читнаев рабочи.

Источник: "Каçал Ен"