08 декабря 2017 г.
Пĕтĕм тĕнчери СПИДпа кĕрешмелли кунра Комсомольски 1-мĕш вăтам шкулĕнче Пĕтĕм Раççейри "Знание - Ответственность - Здоровье" уçă интернет-урок иртрĕ. Унта аслă классенче ăс пухакан ачасем хутшăнчĕç.
Интернет-урокăн тĕп тĕллевĕ - çамрăк ăрăва хăрушă амак пирки каласа ăнлантарасси, унран сыхланмалли майсем çинчен пĕлтересси.
Уçă урок вăхăтĕнче ачасем интернет-ыйтусем çине хуравларĕç. Аслă классенче вĕренекенсенчен чылайăшĕ çак кун "Знание - Ответственность -Здоровье" сертификата тивĕçрĕ.
Урок вĕçĕнче ачасем хăйсен пĕлĕвĕсене тĕрĕслерĕç.
- ВИЧ-инфекцие сирес тесен сывă пурнăç йăлине пăхăнмалла, чир çинчен тĕплĕн пĕлмелле, çав вăхăтрах çемьери хутшăнусен тасалăхне упрамалла, - терĕç аслă класра вĕренекенсем.
Н.АТЛАСКИН
Источник: "Каçал Ен"