10 октября 2015 г.
Зуфар Тимаев - спорта чунтан юратакан çын. Вăл районта, республикăра иртекен ăмăртусене хастар хутшăнать, малти вырăнсене йышăнать.
Сентябрь уйăхĕнче вара Зуфар Мускав хулинче иртнĕ ăмăртăва хутшăннă. Унта Раççейри налук службисен Спартакиади иртнĕ. Ăмăртăва Раççейри федераци 10 окру-гĕнчи 200 ытла спортсмен хутшăннă. Вĕсем çуран чупса, футболла, волейболла выляса вăй виçнĕ. Хĕрỹ тупăшура Атăлçи федераци округĕн команди мала тухнă. Çак йышра районти 2№-лĕ налук службин ĕçченĕ Зуфар Тимаев та пулнă. Вăл 3 пин метра чупса финиша пĕрремĕш çитнĕ. Эстафетăра команда иккĕмĕш вырăна йышăннă.
Çитĕнỹ тăвасси çăмăл мар. Кашни кунах çуран чупни, ỹт-пĕве хускатни çĕнтерỹ патне çывхарма май парать. Зуфар вара кашни кунах стадиона тухса чупма ỹркенмест.
Г.ГИНАТУЛЛИНА
Источник: "Каçал Ен"