10 октября 2015 г.
Ватă çынна хисеплесе чыс туни темĕнле парнерен те хаклăрах. Ăшă сăмах калани, сывлăх сунни те кăмăла çемçетет. Çамрăксем пире хисеплеççĕ-ха, тетпĕр вара. Акă, кашни çулах Ваттисен кунне йыхрав ярсассăн та чун савăнать. "Эмитрон" предприятийĕнче ĕçлесе тивĕçлĕ канăва кайнисене "Слава картофелю" агрофирма кашни çулах уяв туса парать. Кăçал та çаплах пулчĕ. Пире агрофирма ертỹçи Хасиятулла Идиатуллин, Александр Капитонов председатель уяв ячĕпе ăшшăн саламларĕç. Вĕсене - пысăк тав. Ветерансен канашĕн председателĕ Таисия Краснова та çирĕп сывлăх, канлĕ ватлăх, вăрăм ĕмĕр сунчĕ.
Чылай çул пĕрле тăрăшнисем тĕл пулса калаçрăмăр, иртнĕ кунсене аса илтĕмĕр. Пĕрле пухăнса калаçнине мĕн çиттĕр?
А.АЛЕКСЕЕВА
Источник: "Каçал Ен"