10 октября 2015 г.
Октябрĕн 1-мĕшĕ - Ваттисен кунĕ. Пуçласа вара уява Европăри Скандинави çĕршывĕсенче тата Америкăра паллă тума тытăннă. Раççейре ăна 1992 çултанпа уявлаççĕ.
Шăпах кĕркунне "Пучах" ача садĕнче ватăсене сума суса тĕл пулу йĕркелессине тата ачасемпе калаçу ирттерессине йăлана кĕртнĕ. Тивĕçлĕ канурисемпе эпир тĕл пулса калаçма яланах хавас. Вĕсем хăйсем те чылай çул ĕçленĕ ача садне хавас кăмăлпах килеççĕ.
Кăçал та ваттисен кунĕ ячĕпе савăнăçлă уяв иртрĕ. Тивĕçлĕ канурисемпе тĕл пулса чылайччен калаçса лартăмăр. Ача сачĕн фойинче ача-пăча ỹкерчĕкĕсен выставкине йĕркеленĕ. Хăнана килнисем выставкăпа паллашрĕç, чи илемлĕ ỹкерчĕксене палăртрĕç. Шăпăрлансем ватăсене юрă-ташăпа савăнтарчĕç, сăвăсем каларĕç.
А.ФЕДОСЕЕВА
Источник: "Каçал Ен"