19 августа 2015 г.
Район администрацийĕн пуçлăхĕ Алексей Самаркин августăн 17-мĕшĕнче "Кооператор" тата "Хлебозавод" ООО-сене çитнĕ. Тĕл пулусен тĕллевĕ - коллективсен ĕçĕ-хĕлĕпе паллашасси, унта тăрăшакансене хумхантаракан ыйтусене уçăмлатасси.
"Кооператор" ООО - тухăçлă ĕçлесе пыракан предприятисенчен пĕри. Мансур Ямалиев директор пĕлтернĕ тăрăх, алкогольсĕр продукцие суту-илỹн "Вкусная линия" бренчĕпе кăлараççĕ. Продукцие сутлăха ярасси кашни çулах ỹсет, тавар ассортименчĕ те пуянланать. Çĕнĕ технологисене ĕçе кĕртни, ĕçченсем тăрăшуллă пулни кун-çул уттипе тан утма пулăшать те.
"Хлебозавод" ООО çăкăр-булка тата тĕрлĕ пĕремĕк-печени пĕçерет. Хатĕр продукцие районта, республикăра тата унăн тулашĕнче те сутаççĕ. Предприяти тĕллевĕ - продукци туса кăларассин калăпăшне тата ассортиментне тăтăшах ỹстерсе пырасси.
Ĕç колективĕсемпе тĕл пулнă май нумай ыйтăва сỹтсе явнă: районти çул-йĕре юсасси, çĕннисене тăвасси, тавралăха тирпей-илем кĕртесси. Алексей Самаркин пĕлтернĕ тăрăх, хумхантаракан ыйтусене, паллах, наччасрах татса пама çук, вĕсене шута илсе уçăмлатмаллах.
Источник: "Каçал Ен"