25 марта 2015 г.
Иртнĕ эрнекун районта "Полици тата ачасем", "Ачасен сывлăхĕпе хăрушсăрлăхĕшĕн" тата "Агентсем" акци йĕркеленĕ. Ăна çамрăксем хушшинче киревсĕр ĕç тăвассине асăрхаттарас, сывă пурнăç йĕркине хăнăхтарас тĕллевпе ирттернĕ. Мероприятисене районти шалти ĕçсен пайĕн çул çитмен çамрăксемпе ĕçлекен уйрăмĕн аслă инспекторĕ, полици майорĕ Р.Н.Жукова, район администрацийĕн диагностикăпа консультаци центрĕн педагог-психологĕ тата "Çамрăк гвардеецсен" вырăнти уйрăмĕн ертỹçи И.В.Николаева, çамрăк гвардеецсем хутшăнчĕç.
Р.Н.Жукова çул çитмен çамрăксемпе наркотик, хаяр шĕвек, пирус туртнин сиенĕ çинчен калаçусем ирттерчĕ. Çамрăк гвардеецсем пирус сиенĕ çинчен калакан буклетсем пачĕç.
"Эпĕ çакăн пек рейдсем ирттерни профилактика ĕçĕнче питĕ усăллă тесе шутлатăп.Çамрăксене киревсĕр ĕç тăвасран асăрхаттаракансене тав сăмахĕ калатăп", - терĕ вырăнти уйрăм ертỹçи И.В.Николаева.
Р.ЖУКОВА
Источник: "Каçал Ен"