28 февраля 2015 г.
Раççейри наркотика хирĕç иртекен "Ачасен сывлăхĕшĕн тата хăрушсăрлăхĕшĕн" профилактика акцийĕ вăхăтĕнче районти тĕп библиотекăра литература тата пичет изданийĕсем урлă çамрăксене наркотикăн сиенлĕ вăйне хирĕç тăма хăнăхтарас, сывлăхлă пурнăçпа пурăнас туртăма аталантарас тĕллевпе "Анратмăша "çук" тесе калар" профилактика сехечĕ иртрĕ.
Мероприятие Комсомольски 1-мĕш шкулĕн 8-мĕш класра вĕренекенĕсем, И.А.Соловьева вĕрентекен тата Е.Н. Степанова тренер хутшăнчĕç.
Мероприятин пĕрремĕш пайĕнче наркотик сиенĕ çинчен калаçрĕç.
Иккĕмĕш пайĕнче Елена Степанова çамрăк спортсменсен çитĕнĕвĕсемпе паллаштарчĕ, ачасене спортпа туслă пулма сĕнчĕ.
Илтнине пĕтĕмлетсе ачасем çамрăксем патне чĕнỹ хатĕрлерĕç, анкета ыйтăвĕсем çине хуравларĕç. "Эпир сывлăхлă пурнăçшăн" кĕнеке выставкине тишкерчĕç.
Мероприяти çамрăк вулакансем çакăн пек пĕтĕмлетỹ тунипе вĕçленчĕ - сывлăхлă пунăçпа пурăнсан малашлăх ăнăçлă пулĕ.
Источник: "Каçал Ен"