10 сентября 2014 г.
Вĕренỹ çулĕ пуçлансанах Комсомольски 1-мĕш вăтам шкулĕнче пушар хăрушсăрлăхĕн уйăхлăхне уçса класс сехечĕ йĕркелерĕмĕр. Çавна май районти пушар надзорĕн инспекторĕ Сергей Юманов 10-мĕш "б" тата 6-мĕш "б" классенче вĕренекенсемпе тĕл пулчĕ. Вĕсене енчен те пушар тухас пулсассăн чи малтан мĕн тумаллине каласа пачĕ, вут-çулăмпа мĕнле кĕрешмеллине асăрхаттарчĕ.
- Çивĕч лару-тăрура çухалса кайма юрамасть. Сăмахран, эвакуаци вăхăтĕнче пур утăма та йăнăшсăр пурнăçламалла, çунакан çуртран тăхтаса тăмасăр тухмалла, кĕçĕн çулхи ачасене пулăшмалла, ятарлă службăсене шăнкăравламалла, - терĕ Сергей Николаевич ачасене. Вĕренекенсем те тĕрлĕ ыйтусемпе кăсăкланчĕç.
Источник: "Каçал Ен"