Публикации » Вунă кунлăх иртнĕ

Нумаях пулмасть Комсомольски 1-мĕш номерлĕ вăтам шкулĕнче физика тата географи предмечĕсемпе вунă кунлăх иртнĕ. Тĕрлĕ мероприяти пулнă çак тапхăрта. 9-мĕш класра пĕлÿ пухакан Таня Козловăпа Дима Галкин «Хĕвел тытăмĕ» («Солнечная система») темăпа ачасем умĕнче презентаци кăтартнă.

Ылмашса тăракан стендпа та паллашрĕç вĕренекенсем вунă кунлăх вăхăтĕнче. Çавăн пекех физикăпа тата географипе кăсăкланакансем «Тĕнчери чи вăрăм кĕперсем», «Тĕнчери чи çÿллĕ çуртсем», «Тĕрлĕ халăх çурт-йĕрĕ» тата ытти темăсемпе хатĕрленĕ презентацисемпе паллашнă. Ачасем рефератсем, докладсем хатĕрленĕ, стена хаçачĕсен конкурсне йĕркеленĕ.

Классенче тĕрлĕ конкурссемпе викторинăсем иртнĕ. Тĕслĕхрен, улттăмĕшсемпе çиччĕмĕшсем географипе «Çил ăçтан вĕрет;», «Тĕлĕнтермĕш физика опычĕсем» конкурссем ирттернĕ.

8—9-мĕш классенче пĕлÿ пухакансем те интереслĕ пре-зентацисем кăтартнă. Вуннă-мĕшсемпе вун пĕрмĕшсем конкурссене çÿлти шайра ирттернĕ.

Юлашкинчен Саша Семенова (10-мĕш класс) хăйĕн вунă кунлăхра иртнĕ мероприятисен презентацийĕпе паллаштарнă.