Публикации » Чăваш чĕлхи уявĕнче

Ачасене пĕчĕкренех халăх йăла-йĕркине упрама, тăван чĕлхене юратса вĕренме хавхалантарасси, чĕлхе илемлĕхĕпе пуянлăхне туйма, пĕлĕве ÿстерме пулăшасси – пирĕн тĕллев.

Акă иртнĕ кунсенче «Пилеш» ача сачĕн аслă ушкăнри ĕçченĕсемпе ачасем «Чăваш чĕлхи — пирĕн тăван чĕлхе» ятлă уяв ирттертĕмĕр. Çак мероприятие ачасен ашшĕ-амăшĕсене, пулас пĕрремĕш класс учительне Татьяна Валентиновна Кокоревăна та чĕнтĕмĕр.

Чи малтанах килнĕ хăнасем музыка залĕнче йĕркеленĕ кĕнекесен выставкипе, чăвашсен илемлĕ тĕррисемпе, Чăваш Республикин патшалăх символĕсемпе паллашрĕç.

Каярахпа вара аслă ушкăнри ачасем чăвашла сăвăсем вуларĕç, юрăсем юрларĕç, ташларĕç тата «Кам-ши кĕнĕ пахчана?"пĕчĕк инсценировка та лартса пачĕç. Шăпăрлансемпе пĕрле М.Л.Михеева воспитательпе ăна пулăшаканĕ В.И.Петрова вăйăсем вылярĕç.