Публикации » Ăмăрту иртрĕ

Ноябрĕн 4-мĕшĕнче Кĕçĕн Каçалти модельлĕ библиотекăра шашка турнирĕ иртрĕ. Унта Каçал тăрăхĕнче пурăнакансем пухăнчĕç. Шкул ачисем те хастар пулчĕç ăмăртура. Вĕренекенсенчен А.Любимова (Шупашкар хули) пĕрремĕш вырăна тивĕçрĕ. Г.Марин (Кĕçĕн Каçал), Д.Албутов (Çĕнĕ Шупашкар) иккĕмĕшпе виççĕмĕш вырăнсенче.

Аслисенчен И.И.Ухандеев (Виçпÿрт) пĕрремĕш вырăна алран вĕçертмерĕ. Н.И.Кокшин (Комсомольски) иккĕмĕш, П.В.Силивестров (Комсомольски) виççĕмĕш пулчĕç. Çĕнтерÿçĕсене парне, Хисеп хучĕ парса чысларĕç. Шашка вăййине кăмăллакансемшĕн çак кун чăн-чăн уяв пулчĕ. Библиотекăра çак вăйă ăсталăхне çутатакан кĕнеке выставкине йĕркелени те спортсменсене савăнтарчĕ.