24 октября 2009 г.
Комсомольски ял поселенийĕнче Ваттисен кунне кашни çулах паллă тăваççĕ. Ку уява çеç мар, ыттисене те хăйне евĕр йĕркелеççĕ. Унта культура, библиотека ĕçченĕсем хутшăнса пухăннисене савăк кăмăл парнелеççĕ.
Иртнĕ кунсенче Дубовка культура çуртĕнче Ваттисен уявне ирттерчĕç. Унта Т.Волкова библиотекарь «Если вам по душе красота зеленая» выставка йĕркеленĕ. Комсомольски ял поселенийĕн пуçлăхĕ П.В.Силивестров хăйсем пурнăçланă ĕçĕсем çинчен каласа пачĕ, ватăсене ăшă сăмахсемпе савăнтарчĕ. Каярахпа «Кĕтне» юрăпа ташă ушкăнĕ илемлĕ юрăсем шăрантарчĕ. Пухăннисем килĕсене тулли кăмăлпа саланчĕç.
Источник: "Каçал Ен"