Публикации » "ЮРАТНĂ БИБЛИОТЕКĂНА - ЮРАТНĂ КĔНЕКЕ"

17 ноября 2007 г.

Çак ятпа иртрĕ Хирти Мăнтăр вăтам шкулĕнче акци. Ачасем хăйсен килĕсенчи кĕнекесене шкул библиотекине парнелерĕç. Кĕнекесем çеç мар, хаçат-журнал та илсе килнĕ. "Тетте", "Самант" журналсене Семен Никитинпа Людмила Миронова библиотекăна парнелерĕç. Вĕсем - кĕнеке тусĕсем, шкулта та япăх мар вĕренеççĕ. 5-мĕш класра вĕренекен Геннадий Алямшин, Валерий Иванов та çак мероприятие пушă алăпа килмен. Кĕçĕн класра ăс пухакан Александр Данилов вара хăйĕн юратнă кĕнекисене те библиотекăна пама шеллемен. "Турхан" ял хуçалăх кооперативĕн председателĕ В.А.Самарин шкул ачисем валли "Тетте" тата "Самант" журналсем çырăнса пачĕ.

Источник: "Каçал Ен"