Публикации » ВАТĂСЕМ УЯВПА КĂМĂЛЛĂ

03 октября 2007 г.

Ватăсене сума суса хисеплемелле. Вĕсенчен вĕренмелли те чылай. Юпа уйăхĕн 1-мĕшĕ - ватă çынсен уявĕ. Çавна май, тунтикун уяв ячĕпе саламлас тесе Хирти Мăнтăрти ваттисен çуртĕнче пултăмăр. Социаллă пулăшу центрĕн директорĕ Т.Смирнова вĕсене саламларĕ, канлĕ ватлăх, çирĕп сывлăх сунчĕ. Парнесем парса чысларĕ. Районти ветерансен совечĕн председателĕн çумĕ Р.П.Моисеев те ăшă сăмахсем каларĕ. "Шанчăка çухатмасăр пурăнмалла",- терĕ. Ватăсене хисеплесе тулăх апат-çимĕçрен сĕтел хатĕрлени вĕсен кăмăлне çĕклерĕ. Савăк юрă шăрантарни уяв самантне илемлетрĕ. Ветерансен çуртĕнче ватăсене пĕтĕм услови туса панă. Тирпейлĕ, илемлĕ, хăтлă пỹлĕмсенче пурăнма кăмăллă.

Источник: "Каçал Ен"