14 марта 2012 г.
Мартăн 7-мĕшĕнче Йăлмахва ял библиотекинче Пĕтĕм тĕнчери Хĕрарăмсен кунне халалланă кану каçĕ иртрĕ. Уява библиотека заведующийĕ А.Г.Ефремова уçрĕ. Унтан Кайнлăк ял поселенийĕн пуçлăхĕ А.Г.Кузьмин пуçтарăннисене саламларĕ, çирĕп сывлăх, телей, ăнăçу сунчĕ. Малалла хĕрарăмсем хушшинче конкурс йĕркелерĕç. «Çуркунне» тата «Кĕл чечексем» командăсем пултарулăхне тĕрлĕ енлĕн кăтартма пултарчĕç: «ача» чĕркерĕç, çип çăмхаларĕç, амăшĕсене валли чечек çыххисем хатĕрлерĕç тата ытти те. Конкурс хыççăн пурте сĕтел хушшине пуçтарăнса чей ĕçрĕç, шăкăл-шăкăл калаçса, юратнă юрăсене шăрантарса кăмăл туличчен канчĕç.
Источник: "Каçал Ен"