Публикации » ĔÇЛЕС КĂМĂЛ ПЫСĂК

26 января 2008 г.

Асанкасси культура çурчĕн канаш членĕсем çак кунсенче хăйсен черетлĕ ларăвне пуçтарăнчĕç. Канаш председателĕ Иван Портнов иртсе кайнă çулта тунă ĕçсен пĕтĕмлетĕвĕсемпе паллаштарчĕ. Малашнехи плана та палăртса хăварчĕç. Кун йĕркинчи тепĕр ыйту культура çурчĕн канашĕн çĕнĕ тытăмне суйласси пулчĕ. Çĕнĕ вăй-халпа, хавас кăмăлпа культура ĕçченĕсем январĕн 20-мĕшĕнче Сывлăх кунне ирттерчĕç. Йĕлтĕр сырса, 3 çухрăмлă дистанцие хыçа хăварса, вăрман уçланкинче кăвайт чĕртрĕç. Техĕмлĕ чей вĕретсе ĕçни, уçă сывлăшра çỹрени хаваслăх кỹчĕ. Малашне те тăрăшса ĕçлеме вăй-хăват хутшăннине, кăмăл савăк пулнине кашниех туйрĕ.

Источник: "Каçал Ен"