19 декабря 2015 г.
Раштавăн 13-мĕшĕнче, Чăваш патшалăх филармони залĕнче "Чăваш пики -2015" конкурс иртрĕ. Унта республикăри Шупашкар, Елчĕк, Йĕпреç, Куславкка, Тăвай, Патăрьел, Вăрнар, Хĕрлĕ Чутай, Комсомольски, Çĕрпỹ, Элĕк, Сĕнтĕрвăрри, Муркаш, Етĕрне районĕсен, Канаш хулин, Чĕмпĕр облаçĕн пикисем хутшăннă. Район чысне Асанкассинче çуралса ỹснĕ Диана Карпова хỹтĕленĕ.
Пикесем 5 номинацире тупăшнă. Малтанах вĕсем хăйсемпе паллаштарнă, унтан пултарулăх конкурсĕ иртнĕ. Кун хыççăн хĕрсем ыйтусен хуравĕсене пĕлнĕ, хăйсем пĕçернĕ наци апат-çимĕçĕпе паллаштарнă, хитре тумĕсене кăтартнă.
Жюри членĕсем чылай вăхăт канашланă хыççăн пĕтĕмлетỹ тунă. "Çепĕç пике" ята Диана Карпова тивĕçнĕ. "Чăваш пики" ята вара Муркаш тăрăхĕнчен килнĕ Виктория Тихонова çĕнсе илнĕ.
Источник: "Каçал Ен"