23 июля 2014 г.
Ялта пурăнакан кашни çын сарлака та яка çул пирки ĕмĕтленет. Асфальт çул пулмасан та вак чул сарса хытарнă урампа утса çỹреме, автомашинăпа кĕрсе тухма меллĕрех. Йĕпе-сапаллă çанталăкра пушшех те.
Акă, иртнĕ кунсенче Асанкасси ялĕнчи Озерная урама çул хăпартса вак чул сарма пикенчĕç. Кунта çуркунне, кĕркунне тухса çỹреме питех те кансĕрччĕ. Николай Данилов пуçарнипе Озерная урамра пурăнакансем килсерен укçа-тенкĕ пуçтарса урама çул сарма вăй çитерчĕç. Çак ĕçе "Зодчий" ООО ĕçченĕсем пурнăçларĕç. Пурте тăрăшсан палăртнă ĕçе вĕçне çитерме май килетех çав.
Источник: "Каçал Ен"