11 июня 2013 г.
Нумаях пулмасть ачасен «Шурă чулсем» сывлăх лагерĕнче республикăри çул-йĕр çинчи çамрăк инспекторсен «Хăрушсăрлăх кустăрми» конкурсĕ иртрĕ. Кăçал вăл 23-мĕш хут пулчĕ.
Тупăшура çамрăк инспекторсен 24 команди ăсталăхне кăтартрĕ. Конкурсра çамрăк инспекторсем çул-йĕр правилисене, шар курнă çынсене пуçламăш медицина пулăшăвĕ кÿме пĕлнине кăтартрĕç, велосипедпа çÿрес пултарулăхĕпе тата ыттипе те тĕлĕнтерчĕç.
Унта район чысне Асанкасси вăтам шкулĕнче пĕлÿ пухакансем (хатĕрлекенĕ — Николай Васильевич Данилов учитель) хÿтĕлерĕç, çиччĕмĕш вырăна тухрĕç.
Н.РАЙКОВ.
Источник: "Каçал Ен"