Публикации » Вăтам пĕлÿпе пĕрле — хушма професси

Районĕпе пĕртен-пĕр Асанкасси вăтам шкулĕн çеç тракторист-машинист профессине хатĕрлеме ирĕк паракан лицензи пур. Кунта вĕренÿ пÿлĕмне мĕн кирлипе пĕтĕмпех тивĕçтернĕ. 10—11-мĕш классенче вĕренекенсем, ытларах арçын ачасем, Т-40 АМ тракторпа çÿреме хăнăхаççĕ. Çамрăксене çак профессие алла илме Николай Васильевич Данилов 33 çул вĕрентет. Çулсерен 10—12 каччă экзаменсене ăнăçлă тытса механизатор пулма пултарассине кăтартса парать. Кăçал, хăйсем патĕнче ку уроксем пулманнипе, Хырай Ĕнел вăтам шкулĕнчи каччăсем те çÿрерĕç кунта, малтан вĕреннине сая ямарĕç, ыттисемпе пĕрлех алла документсем илчĕç.

Хăйĕн вĕренекенĕсемпе Николай Васильевич республика конкурсĕсене, тĕрлĕ шайри ăмăртусене хутшăнать. «Хăрушсăрлăх кустăрминче» тĕрлĕ номинацире асанкассисем пĕр хутчен çеç мар призерсем пулса тăнă.

Вăтам шкул пĕтерни çинчен паракан аттестатпа пĕрле професси илни те пурнăçра питĕ кирлĕ, усăллă.