21 ноября 2015 г.
Ноябрĕн 19-мĕшĕнче Канаш тата Тăвай районĕсен епископĕ Преосвященнейший Стефан Луцки салинчи Казански Турă амăшĕн чиркĕвĕнче Гурий святителе асăнса литурги ирттернĕ.
Службăна Комсомольски район администрацийĕн пуçлăхĕ Алексей Самаркин тата Александровка ял поселенийĕн пуçлăхĕ Любовь Полякова хутшăннă.
Литурги ирттерме Владыкăна "Вознесения Господня" чиркĕвĕн протоиерейĕ Николай Спиридонов, Казански Турă амăшĕн чиркĕвĕн иерейĕ Сергей Скворцов тата Канаш епархийĕн канцелярийĕн ертỹçи Виталий Ушков иерей пулăшнă. Владыка Украинăри тăнăçлăхшăн кĕлĕ вуланă. Владыка пилленипе Виталий Ушков иерей ĕненекенсем умне проповедь сăмахĕсемпе тухнă.
Источник: "Каçал Ен"