31 декабря 2014 г.
Декабрĕн 26-мĕшĕнче Чăваш Ен Пуçлăхĕ Михаил Игнатьев Раççей Федерацийĕн тата Чăваш Республикин патшалăх наградисене республикăри чи ăста та пултаруллă 46 ентеше панă. Вĕсем хушшинче культурăпа наукăн тава тивĕçлĕ ĕçченĕсем, ял хуçалăхĕнче тимлекенсем, промышленноçра вăй хуракансем, врачсемпе вĕрентекенсем, нумай ачаллă çемьесем. Республика Пуçлăхĕ çынсене должноçне кура мар, вĕсен яваплăхне тĕпе хурса аслă зала пухнине каланă.
Çав кун награда илнисем хушшинче пирĕн ентешĕмĕрсем те пур. Комсомольски район пуçлăхне - депутатсен Пухăвĕн председательне, райпо совечĕн ертỹçине Евгений Карпеева "Тăван çĕршыв умĕнчи тава тивĕçлĕ ĕçсемшĕн" орден медалĕпе наградăланă. Хирти Сĕнтĕр ял тăрăхĕн пуçлăхне Геннадий Егорович Ефремова вара "Чăваш Республикинчи вырăнти хăйтытăмлăх органĕсенче тỹрĕ кăмăлпа ĕçленĕшĕн" Мухтав паллипе чысланă.
Источник: "Каçал Ен"