25 октября 2014 г.
ЧР Информаци политикипе массăллă коммуникацисен министерстви "Хыпар" Издательство çурчĕн директорĕн-тĕп редакторĕн тивĕçĕсене малашне пурнăçлакана палăртнă. Вăл - Валери Туркай. Конкурса тăваттăн хутшăннă: "Хыпар" Издательство çурчĕн тĕп директорĕн çумĕ Геннадий Максимов, "Самант" ООО директорĕ Петр Михайлов, ЧР Ял хуçалăх министерствин пай пуçлăхĕ Александр Кириллов, Çеçпĕл Мишши ячĕллĕ ыр кăмăллăх фончĕн директорĕ Валери Туркай.
Кандидатсене 13 çынран тăракан комисси хакланă. Пĕтĕмлетỹпе килĕшỹллĕн, пирĕн ентеш Валери Туркай çĕнтернĕ. Вăл - ЧР тава тивĕçлĕ культура ĕçченĕ, Тутар Республикин тава тивĕçлĕ ĕçченĕ, Çеçпĕл Мишши ячĕллĕ ыр кăмăллăх фондне 2008 çултанпа ертсе пырать.
Источник: "Каçал Ен"