19 марта 2021 г.
Пучинкери «Пучах» ача садĕнче çурхи уявсене тивĕçлĕ шайра йĕркелесе ирттернĕ.
Хĕрарăмсен кунĕпе тĕл килнĕÇăварнине те асра юлмалла уявланă, ялти культура çурчĕн сцени çине ачасем уяв концерчĕпе тухнă, курма килнисене илемлĕ те çепĕç юрă-кĕвĕ, илемлĕ ташăсем парнеленĕ. Программăра викторинăсем те, вăйă-конкурссем те пулчĕç, уява ертсе пыракансем пĕчĕк артистсен тата залра ларакансен пĕлĕвĕпе тавра курăмне те тĕрĕслесе пăхрĕç.
Концерт хыççăн шăпăрлансем хăйсен пĕчĕк аллисемпе туса хатĕрленĕ парнесемпе савăнтарчĕç хăйсен ашшĕ-амăшĕсене тата çывăх тăванĕсене. Амăшĕсемпе кукамăшĕсем те, асламăшĕсем те парăмра юлмарĕç, вĕсем тутлă пылак апат-çимĕçпе хăналарĕç хăйсен тĕпренчĕкĕсене.
Илĕртÿллĕ уяв чун-чĕрере ăшă туйăмсем вăратрĕ. Çypкунне çитсех пыни уççăн сисĕнет.
Источник: За победу