15 января 2021 г.
Пучинке ялĕнче ыра йăла тахçантанпах пырать. Ял тăрăхĕн администрацийĕ çумĕнчи хĕрарăмсен канашĕ кашни çулах Раштав уявне тивĕçлĕ шайра ирттерет. «Раштав ёлки пĕтĕм çемье валли» ятпа пулакан çак савăнăçлă мероприятие кăçал, коронавирус инфекцийĕ сарăлас хăрушлăх пуррине шута илсе, раснарах йĕркелерĕмĕр, уяв саламĕсемпе илемлĕ пултарулăх номерĕсене кĕртсе видеоролик укертĕмĕр.
Мероприяти пуçламăшĕнчехамăр ялтичасовньăн попечительсен канашĕн председателĕ Вера Егорова салам сăмахĕ каларĕ. Вера Васильевна часовньăн хальхи вăхăтри пĕлтерĕшĕпе ĕçĕ-хĕлĕçинчен те пĕлтерчĕ, часовня Христос тĕнне ĕненекенсен кăмăлне тивĕçтерекен вырăн пулса тăнине палăртрĕ.
Унтан мероприяти участникĕсем ялти вулавăшра пулчĕç. Олеся Пыркина библиотекарь пурне те ăшă кăмăлпа, ырă сунса кĕтсе илчĕ, «Раштав асамĕ» темăпа хатĕрленĕ кĕнекесен, хаçат- журналсен куравĕпе паллаштарчĕ. Хĕрарамсен канашĕн членĕсем вулавăшпа сывпуллашасумĕн «Рождество Христово весь мир празднует» юрра юрларĕç.
Каярах, Кĕлĕмкассинчи Пукрав чиркĕвĕн настоятелĕ Пантелеймон Пегасов пехилленипе, хĕрарамсен ушканĕ часовньăра çуртасем çутса «Ангелы в небе высоком живут» юрра темиçе сасапа шăрантарчĕ.
Юлашкинчен пурте пĕрле кукăльпе чей ĕçсе килентĕмĕр. Сăваплă вырăнта, часовньăра, çавнашкал ырă йăла-йĕрке туса ирттерни кăмăл-туйăма çĕклентерсех ячĕ, чун-чĕрере савăнăçлă ăшăлăх вăранчĕ.
Источник: За победу