08 августа 2017 г.
Ĕнер, çурла уйăхĕн 7-мĕшĕнче, Китай делегацийĕ Йĕпреç тата Вăрнар районĕсенчи сĕт-çу тирпейлекен предприятисенче пулнă. Вĕсем пирĕн республикăра туса кăларакан мороженăя кăмăлланă.
Инçетре килнĕ хăнасем Йĕпреç районĕнчи Пучинкери сĕт-çу заводĕнче, «Волга АЙС» акционерсен обществинче, Вăрнар поселокĕнчи çусăрлатнă сĕт заводĕнче пулнă. «Волга АЙС» предприятире пулнă чух Китайри ĕçлĕ çынсем унта туса кăларакан мороженăя /предприятире ăна 50 ытла тĕрлине туса кăлараççĕ) кăмăлланине пĕлтернĕ.
Чăваш Енри предприятисемпе паллашнă май хăнасем икĕ еншĕн те усăллă майпа килĕштерсе ĕçлес ыйтăва хускатнă.
Вера ТИТОВА
Источник: "Хыпар"