Публикации » Çитмĕл метр картана çĕмĕрнĕ

26 декабря 2007 г.

 Кĕркуннехи пĕр тĕттĕм каçхине тăватă тус Шăнкăртамри спорт площадкин 70 метр картине çĕмĕрсе юрăхсăра кăларнă. Çул çитмен çамрăксен çакăн чухлĕ вăй ăçтан тухнă тетĕр? Çакскерсем хăйсене чăн-чăн паттăрсем пек тытма тăваттăшĕ пилĕк литр сăра ĕçсе янă! Ун хыççăн вара пысăк ĕçе пуçăннă. Çул çитменнисен комиссинче Камалдиновпа Рафиков çеç хăйсен хулиганла ĕçĕшĕн явап тытнă. Тепĕр икĕ тусĕ тарса çỹреççĕ-мĕн. Административлă йĕркене пăсни çинчен калакан Кодекспа килĕшỹллĕн, хулиганла ĕçшĕн ашшĕ-амăшĕн те пите хĕретме тивнĕ. Кирек мĕнле пулсан та, çул çитмен ачасене тивĕçлĕ воспитани парассинче чăн малтан вĕсем яваплă-çке.

Источник: "Авангард" (газета Батыревского района)