02 ноября 2018 г.
ПАЯН сцена çинче янăракан музыка инструменчĕсенчен хут купăс аякран аякка юлса пырать пулин те, унăн илемлĕ сассине, килĕшỹллĕ кĕвĕ-çемĕне хисеплекенсем йышлă-ха. Çакна Каçал тăрăхĕнчи Урмаелти централизациленĕ клуб системинче регионсем хушшинчи "Выля, хуткупăс!" фестиваль-конкурс та çирĕплетнĕ. Купăсçăсен сцени çинчи ăмăртăвне кỹршĕ районсемсĕр пуçне Шупашкар, Йошкар-Ола, Хусан хулисенчен, Чĕмпĕр облаçĕнчен те ăста специалистсем хутшăннă. Фестивальте Шăнкăртамри культура çурчĕн хастарĕсем Миндания Якушевăпа Элфис Хисамутдинов та хăйсен пултарулăхĕпе савăнтарнă. Купăсçăсем фестивалĕн пĕрремĕш тата иккĕмĕш степеньлĕ лауреачĕсем пулса таврăннă. Сăмах май каласан, вĕсем районта иртекен мероприятисенчен те айккинче юлмаççĕ.
Источник: "Авангард" (газета Батыревского района)